„Eins og staðan er núna er líklegast Danny Drinkwater og Fernandi Llorente komi til liðsins. Drinkwater henti inn sölubeiðni frá Leicester í gærkvöldi svo núna þurfa liðin bara að ná saman um verð. Svo er spurning með Ross Barkley, ég segi 50/50 að hann komi," sagði Jóhann.

„Það var svekkjandi að Oxlade-Chamberlain skuli ekki hafa þorað í alvöru samkeppni hjá Chelsea og vilji bara fara til Liverpool, þar sem hann telur sig fá að spila meira á miðsvæðinu. Þar sem Chamberlain kemur ekki er hópurinn ansi fáliðaður í vængbakvarðastöðunum og lítið um valkosti á markaðnum í þær stöður."

„Eina mögulega brottförin er Kenedy og þá á lánssamning til Newcastle, þau vistaskipti eru þó algerlega háð því að Chelsea nái að kaupa amk einn vængbakvörð."

Diego Costa er ennþá í sumarfríi í Brasilíu en hann er úti í kuldanum hjá Antonio Conte, stjóra Chelsea.

„Diego mun með einum eða öðrum hætti enda hjá Atletico Madrid. Það var hávær orðrómur um að Everton myndi taka hann á láni frá Chelsea og Atletico Madrid svo kaupa hann á ca 40. milljónir punda í janúar. Ég hef þó meiri trú á því að Atletico kaupi hann strax og hann bíði bara upp í stúku fram að áramótum," sagði Jóhann en gætu einhver óvænt tíðindi litið dagsins ljós hjá Chelsea á morgun?

„Það kom óvænt frétt þess efnis að Riyad Mahrez gæti verið möguleiki fyrir Chelsea. Þó að Chelsea séu ágætlega mannaðir í vængframherja stöðunum myndi leikmaður eins og Mahrez alltaf bæta heilmiklu við liðið – tel þetta þó ansi ólíklegt."

Jóhann er heilt yfir allt annað en sáttur við það hvað ensku meistararnir hafa gert á leikmannamarkaðinum í sumar.

„Þessi gluggi fær falleinkunn hjá mínum mönnum, svo einfalt er það. Liðið mætti engan veginn reiðubúið til leiks með alltof þunnan leikmannahóp. Það að reyna kaupa fjóra leikmenn á einni viku undir lok gluggans er alltof mikil áhætta og lyktar örlítið af því að liðið sé að „panikk kaupa“ – þessi kaup hefðu þurft að gerast fyrr. Það hefði verið skynsamara að sleppa því að lána Loftus-Cheek og bíða með sölurnar á Chalobah og Matic amk þangað til liðið væri búið að kaupa aðra leikmenn í staðinn," sagði

Sjá einnig:
Gluggadagurinn hjá Liverpool: Veðjar á að Coutinho verði kyrr
Gluggadagurinn hjá Tottenham: Við þurfum miklu stærri hóp
Gluggadagurinn hjá Man City: Aubameyang kemur ef Alexis kemur ekki