Guðlaugur Victor Pálsson, leikmaður Liverpool, er á leið til Hibernian í Skotlandi samkvæmt heimildum Fótbolta.net.
Líklegt er að Guðlaugur Victor skrifi undir eins og hálfs árs samning við félagið síðar í dag.
Líklegt er að Guðlaugur Victor skrifi undir eins og hálfs árs samning við félagið síðar í dag.
Þessi 19 ára gamli leikmaður kom til Liverpool frá AGF fyrir rúmum tveimur árum síðan.
Í viðtali í útvarpsþættinum Fótbolti.net fyrr í mánuðinum sagðist Guðlaugur búast við að fara frá Liverpool í þessum mánuði eða í sumar.
Fyrir áramót var Guðlaugur Victor á láni hjá Dagenham & Redbridge í ensku fyrstu deildinni en nú mun þessi U-21 árs landsliðsmaður reyna fyrir sér í Skotlandi.
Hibernian er sem stendur í ellefta og næstneðsta sæti skosku úrvalsdeildarinnar, þremur stigum á undan Hamilton. Einungis eitt lið fellur úr skosku deildinni á hverju tímabili og því er Hibernian ekki í fallsæti sem stendur.
