Varnarmaðurinn Matar Nesta Jobe hefur fengið félagaskipti frá Val í Víking Ólafsvík. Nesta er frá Gambíu og hefur leikið með yngri landsliðum þjóðarinnar.
Nesta hefur ekki leikið með Val á Íslandsmóti en hann gekk til liðs við Hlíðarendaliðið í fyrrasumar. Hann lék með liðinu í vetur.
Ólafsvíkingar eru í botnsæti 1. deildar, án stiga að loknum tveimur umferðum.
Þar sem Nesta er fæddur 1992 getur hann fengið félagsskipti á þessum tímapunkti en félagaskiptaglugginn hjá leikmönnum í yngri flokkum er enn opinn.
