Úr leiknum í kvöld.
,,Okkur hefur gengið mjög brösulega í síðustu heimalekjum og þetta var kærkomið fyrir okkur og stuðningsmennina," sagði Orri Freyr Hjaltalín fyrirliði Grindvíkinga eftir 4-1 sigur á Þór í kvöld.
,,Við höfum aðeins verið að ræða málin í rólegheitum. Við höfum ekki oft byrjað leikinn nógu sterkt en í dag vildum við ná í þrjú stig og við fórum út og náðum í þau."
Orri Freyr lék með Þór á sínum tíma og mistök hans í fyrri hálfleik leiddu til þess að Akureyringar fengu færi.
,,Ég var að reyna að hjálpa gömlu félögum, þeir voru að ströggla aðeins í byrjun en þeir vildu ekki nýta sér þessa sénsa sem ég var að gefa þeim."
Hér að ofan má sjá viðtalið í heild sinni.
