Þrír leikir verða í 8-liða úrslitum enska deildabikarsins í kvöld. 8-liða úrslitunum lýkur svo á morgun með leik Manchester United og Crystal Palace.
Chelsea og Liverpool eigast við á Stamford Bridge en Liverpool vann þegar liðin mættust í ensku úrvalsdeildinni á dögunum. Glen Johnson skoraði þá sigurmarkið.
Arsenal og Manchester City mætast á Emirates. Fastlega má gera ráð fyrir því að bæði lið hvíli menn en Arsene Wenger mun líklega gefa Robin van Persie, Theo Walcott, Aaron Ramsey og Abou Diaby frí í kvöld.
Leikir kvöldsins:
19:45 Cardiff - Blackburn
19:45 Chelsea - Liverpool (Beint á Stöð 2 Sport)
20:00 Arsenal - Man City (Beint á Stöð 2 Sport 3)