Arsenal er í miklum bakvarðavandræðum þar sem allir eiginlegu bakverðir liðsins eru á meiðslalistanum. Johan Djourou spilaði hægri bakvörð í 1-0 tapinu gegn Manchester City en fór meiddur af velli í seinni hálfleik og verður frá í þrjár vikur.
Arsenal mætir Aston Villa í kvöld en tiltækir varnarmenn eru Per Mertesacker, Thomas Vermaelen, Laurent Koscielny, Sebastien Squillaci og Ignasi Miquel sem allir eru vanir því að leiða í miðverði.
Koscielny segist þó ekkert hafa á móti því að leysa bakvörðinn. „Liðsfélagar mínir stríða mér með því að kalla mig hinn hvíta Cafu," segir Koscielny.
„Þegar ég hóf minn atvinnumannaferil í Frakklandi þá byrjaði ég sem vinstri bakvörður. Það er ekki mín uppáhalds staða en ég er ánægður ef ég get hjálpað liðinu og mun gera mitt besta."