Heimild: Sky
John Rooney, sem er líkast til þekktur fyrir það eitt að vera bróðir Wayne Rooney hjá Manchester United, hefur skipt um lið í Bandaríkjunum og er genginn til liðs við Orlando City í þriðju efstu deild þar í landi.
Þessi fyrrum leikmaður Macclesfield í heimalandinu náði aldrei að festa sig í sessi í New York Redbulls og var leystur undan samningi þar.
Rooney hóf ferilinn í unglingaakademíu Everton er hann var sex ára gamall en hann mun nú vinna undir stjórn Adrian Heath, sem þjálfaði hann í Bítlaborginni.
,,Ég hef þekkt John lengi, frá því í gamla daga á Englandi. Við erum hæstánægðir með að hafa fengið hann," sagði Heath.
,,Hann mun reynast okkur virkilega vel. Hann getur spilað margar stöður á miðjunni, sem hentar okkur vel."
