„Þeir kunna ekki að tapa," sagði spænski miðjumaðurinn Xavi og hristi hausinn á sjónvarpsstöð Barcelona. Xavi vissi ekki að útsendingin væri þá hafin.
Xavi var að tala um Real Madrid en Barcelona sló liðið út úr bikarkeppninni í vikunni með 4-3 sigri samtals í tveimur leikjum.
Mikill hiti er milli leikmanna þessara tveggja liða, til að mynda hefur Sergio Ramos hjá Real Madrid ásakað Sergio Busquets um að hafa gert sér upp meiðsli í leiknum.
Þá beið Jose Mourinho, þjálfari Real Madrid, við bíl dómarans Fernando Teixeira Vitienes eftir leikinn og lét hann svo heyra það.
