Myndasyrpa af atvikinu fyrir neðan
Brynjar Kristmundsson á sjúkrahúsinu.
„Þetta var þungt og gott högg," segir Brynjar Kristmundsson, bakvörður Vals, sem steinrotaðist í leik Vals og Fjölnis í Reykjavíkurmótinu í gær.
Valsmenn unnu leikinn 5-0 en Brynjar þurfti að yfirgefa völlinn í fyrri hálfleik eftir að hafa lent í samstuði við Sindra Snæ Jensson, markvörð Vals.
Valsmenn unnu leikinn 5-0 en Brynjar þurfti að yfirgefa völlinn í fyrri hálfleik eftir að hafa lent í samstuði við Sindra Snæ Jensson, markvörð Vals.
„Þeir voru að taka innkast inn í teigin, ég var bara að elta minn mann þegar Sindri markvörður kemur út á fleygiferð og ég lendi svona í mjöðminni á honum," segir Brynjar.
„Ég datt síðan inn og út og rankaði svo alveg við mér í sjúkrabílnum. Eina sem ég man frá því að samstuðið átti sér stað var þegar ég var kominn upp í bílinn."
Brynjar skartar myndarlegu glóðarauga eins og sést á meðfylgjandi mynd en hann má ekki æfa fótbolta næstu fjórar vikurnar.
„Ég vaknaði í morgun með dúndrandi hausverk og smá verk í hálsinum. Það er enginn fótbolti næsta mánuðinn en ég fæ að byrja að hlaupa eitthvað fyrir það."
Þar sem Fjölnismenn tefldu fram ólöglegum leikmanni í fyrstu tveimur leikjum sínum á Reykjavíkurmótinu átti Valur ekki möguleika að komast áfram þegar flautað var til leiks í gær. „Þetta er svolítið pirrandi en það er ekkert sem við getum gert. Við vorum sjálfir búnir að koma okkur í þessa stöðu," segir Brynjar.
Brynjar kom til Vals í fyrra á lánssamningi frá Víkingi Ólafsvík en gekk alfarið í raðir Hlíðarendafélagsins í vetur.
