Sjö leikir eru á dagskrá í dag í ensku úrvalsdeildinni, en það gætu nokkrir Íslendingar verið í eldlínunni í dag.
Arsenal fær Blackburn Rovers á Emirates leikvanginn, en Arsene Wenger stjóri Arsenal þarf á sigri á halda til þess að stýra liðinu aftur á beinu brautina á meðan Steve Kean og félagar í Blackburn reyna að forðast fallbaráttuna.
QPR mætir Wolves þá á Loftus Road. Heiðar Helguson er líklega ekki með QPR í leiknum, en það má þó búast við því að Eggert Gunnþór Jónsson verði í hópnum hjá Úlfunum. Þá gæti Grétar Rafn Steinsson verið í eldlínunni hjá Bolton sem mætir Norwich City á útivelli.
Gylfi Þór Sigurðsson og félagar í Swansea ferðast til West Brom og mæta lærisveinum Roy Hodgson en Gylfi hefur verið að spila vel hjá velska liðinu frá því hann kom á láni frá þýska liðinu Hoffenheim í byrjun janúargluggans.
Topplið Manchester City fær þá Fulham í heimsókn sem varð fyrir blóðtöku í lok janúar, en liðið missti Bobby Zamora til QPR. City fékk aftur á móti David Pizzarro frá AS Roma og gæti hann leikið sinn fyrsta leik fyrir félagið.
Leikir dagsins á Englandi:
13:00 Arsenal - Blackburn (Beint á Stöð 2 Sport 2)
15:00 Norwich City - Bolton Wanderers (Beint á Stöð 2 Sport 2)
15:00 QPR - Wolves (Beint á Stöð 2 Sport 2)
15:00 Stoke City - Sunderland (Beint á Stöð 2 Sport 2)
15:00 WBA - Swansea City (Beint á Stöð 2 Sport 2)
15:00 Wigan Athletic - Everton (Beint á Stöð 2 Sport 2)
17:30 Manchester City - Fulham (Beint á Stöð 2 Sport 2)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
