Heimild: Heimasíða Man Utd
Enska knattspyrnufélagið Manchester United hefur þakkað Liverpool fyrir að biðjast afsökunar á framferði Luis Suarez í leik liðanna á Old Trafford í gær, en þetta kom fram í yfirlýsingu félagsins.
Luis Suarez setti svartan blett fyrir leik liðanna í gær þegar hann neitaði að taka í hönd Patrice Evra, fyrirliða Manchester United. Úr því varð mikil dramatík, en leikurinn sjálfur varð ekki í sviðsljósinu, heldur atvikið fyrir leikinn.
Rio Ferdinand ákvað um leið að taka ekki hönd Suarez eftir að hafa séð atvikið og skapaði það mikla spennu fyrir leikinn.
Evra fagnaði svo innilega í leikslok og hljóp meðal annars í áttina að Suarez og fagnaði fyrir framan hann, leikmönnum Liverpool ekki til mikillrar skemmtunar. Phil Dowd, dómari leiksins þurfti að fjarlægja Evra svo allt fær ekki á annan endann.
Luis Suarez og Liverpool hafa beðist afsökunar á atvikinu, en Suarez viðurkenndi að hann gerði mistök og hefði réttilega átt að bjóða Evra hönd sína. Manchester United hefur nú þakkað félaginu fyrir afsökunarbeiðnina í yfirlýsingu sinni.
,,Manchester United þakkar Liverpool fyrir að biðjast afsökunar á atburðinum sem átti sér stað í leik liðanna í gær. Allir á Old Trafford vilja grafa málið og halda áfram. Saga þessara tveggja liða sýnir mesta árangur og ríg í sögu breska fótboltans og þeir sem elska félögin ættu að einblína á það í framtíðinni," sagði í yfirlýsingu Man Utd.
Athugasemdir
