,,Við stóðum vel í þeim í byrjun og fram eftir leiknum," sagði Gunnar Sigurður Jósteinsson leikmaður Völsungs eftir 2-0 tap gegn Fylki í Borgunarbikarnum í kvöld.
Gunnar er varnarmaður en hann lék síðustu 25 mínúturnar í markinu eftir að Dejan Pesic þurfti að fara af velli vegna meiðsla.
Gunnar er varnarmaður en hann lék síðustu 25 mínúturnar í markinu eftir að Dejan Pesic þurfti að fara af velli vegna meiðsla.
,,Ég hef gert þetta áður í bikar. Maður tekur bara þá stöðu sem býðst á vellinum, maður vill ekki setja á bekknum. Maður tekur bara þá stöðu sem maður fær."
Næsti leikur Völsungs er gegn Þrótti á laugardag. Verður Gunnar áfram í markinu þar?,,Ég veit það ekki, það kemur í ljós. Kannski finnum við einhvern annan markmann á Húsavík, þeir eru nokkrir."
Kjartan Páll Þórarinsson, varamarkvörður Völsungs, er sagður hafa samið við utandeildarlið í skiptum fyrir einn pylsupakka en Gunnar vill endurheimta hann.
,,Við þurfum bara að bjóða tvo þá, það sést á honum að hann hefur aðeins verið að borða pylsur," sagði Gunnar léttur í bragði.
Hér að ofan má sjá viðtalið í heild sinni.
Athugasemdir
