Daníel Hjaltason leikmaður Vals verður frá næstu tvær til þrjár vikurnar en hann tognaði framan í læri gegn Keflavík um síðustu helgi.
Daníel gat ekki leikið með Val gegn Grindavík í gærkvöldi vegna meiðslanna og hann mun einnig missa af næstu leikjum.
,,Læknirinn sagði að ég verði frá í tvær til þrjár vikur en ég vona samt sjálfsögðu að ég verði skemur frá," sagði Daníel við Fótbolta.net seint í gærkvöldi.
Undanfarið hefur Daníel leikið á hægri kantinum hjá Val og verið í byrjunarliði en Sigurbjörn Hreiðarsson tók stöðu hans gegn Grindavík í gær.
