Heimild: Setanta Sports
Portúgalski miðvallarleikmaðurinn, Deco, hefur gengið fram fyrir skjöldu og tjáð spænskum fjölmiðlum að hann muni yfirgefa herbúðir Barcelona í sumar.
Vangaveltur þess efnis hafa gengið fjöllunum hærra að undanförnu og segist Deco vera á leiðinni til Englands eða Ítalíu.
,,Næsti áfangastaður verður England eða Ítalía,” sagði Deco í samtali við El Mundu Deportivo.
,,Ég mun ekki vera um kyrrt á Spáni því eini klúbburinn sem jafnast á við Barcelona er Real Madrid og ég mun aldrei fara þangað.”
