Gunnar Oddsson þjálfari Þróttara
Gunnar Oddsson þjálfari nýliða Þróttara var tiltölulega sáttur með að ná einu stigi gegn velspilandi liði Breiðabliks þegar við hjá Fótbolta.net náðum tali af honum eftir leik liðsins á Kópavogsvelli í kvöld.
,,Við erum þokkalega sáttir með að ná einu stigi hérna í Kópavoginum. Við urðum auðvitað að laga okkar leik frá tapleiknum gegn Fjölni. Mér fannst við gera það þannig að sómi væri að.
,,Við lögðum kannski mikla áherslu á varnarleikinn, við vissum að þeir væru vel spilandi og með skæða framherja. Menn sýndu það alveg í dag að þeir geta vel spilað í þessari deild."
Gunnar sagði að menn þyrftu að koma með sama hugarfari til leiks gegn FH í næsta leik sem er næstkomandi mánudag á Valbjarnarvelli.
,,Já, það er alveg klárt, FH-ingunum er náttúrulega spáð í efri hlutanum, við verðum að byggja á því sem við gerðum vel í dag og bæta einhverju við. Þannig að við munum mæta þeim af fullri hörku."
