Heimild: Heimasíða Vals
Barry Smith hreinsar frá marki á síðustu leiktíð.
Barry Smith leikmaður Vals hefur hafið æfingar með liðinu en hann tók þátt í æfingu liðsins í gær.
Barry Smith skrifaði undir nýjan samning við Val fyrir stuttu og mun leika með liðinu á þessari leiktíð en FH-ingar reyndu líka að fá hann.
„Hann fór í hné aðgerð. Það var verið að hreinsa liðþófa og brjóskeyðingu. Þetta hefðbundna þegar menn eru komnir á þennan aldur,“ sagði Willum í samtali við heimasíðu félagsins
„Hann var aðeins með á æfingunni á fimmtudaginn. Hann er svo grimmur kallinn. Hann getur pínt sig alveg óheyrilega."
„Við verðum með morgunæfingu á laugardag. Þétt æfing þar sem tekið verður aðeins á. Svo förum við í skipulagið. Sunnudagurinn verður því nýttur í taktík," sagði Willum við heimasíðu félagsins.
Valsarar unnu Grindavík á miðvikudag 3-0 þar sem Pálmi Rafn Pálmason skoraði öll mörk liðsins.
