Úr leiknum í kvöld.
GRV, sameinað lið Grindavíkur, Reynis og Víðis vann 4-3 sigur á Þrótti í forkeppni VISA-bikar kvenna í kvöld og mætir því Landsbankadeildarliði Fylkis í fyrstu umferð bikarsins.
Margrét Albertsdóttir skoraði tvö mörk fyrir GRV í leiknum og þær Hólmfríður Ósk Samúelsdóttir og Anna Þórunn Guðmundsdóttir eitt mark hvor. Auður Hallsdóttir, Ólína Sigurgeirsdóttir og Sóley Sveinsdóttir skoruðu fyrir Þrótt.
GRV sem leikur í 1. deildinni fær því Landsbankadeildarlið Fylkis í heimsókn 30. maí næstkomandi klukkan 20:00.
GRV 4-3 Þróttur:
0-1 Auður Hallsdóttir
1-1 Margrét Albertsdóttir
2-1 Hólmfríður Ósk Samúelsdóttir
2-2 Ólína Kr. Sigurgeirsdóttir (víti)
3-2 Margrét Albertsdóttir
4-2 Anna Þórunn Guðmundsdóttir
4-3 Sóley G. Sveinsdóttir
Bjarni Már Svavarsson ljósmyndari okkar mætti á leikinn í kvöld og tók myndirnar hér að neðan.
