Heimild: FHingar.net
Tryggvi Guðmundsson í leik með FH fyrr á leiktíðinni. Hann hefur ritað bréf til stuðningsmanna félagsins.
Tryggvi Guðmundsson framherji bikarmeistara FH hefur ritað bréf til stuðningsmanna félagsins á vefsíðu stuðningsmannana, FHingar.net, fyrir hönd leikmanna liðsins þar sem hann hvetur menn til að veita liðinu mikinn stuðning á komandi leikjum í Landsbankadeildinni.
Í bréfinu kemur Tryggvi inn á söngva Káramanna, stuðningsmannahóps Fjölnis, í leik liðanna á sunnudag en þar sungu þeir að Tryggvi væri typpahaus og Tryggvi segist hafa tekið því sem hrósi því í raun hafi þeir bara verið að segja að hann sé kóngur.
Bréfið má sjá hér að neðan.
Í bréfinu kemur Tryggvi inn á söngva Káramanna, stuðningsmannahóps Fjölnis, í leik liðanna á sunnudag en þar sungu þeir að Tryggvi væri typpahaus og Tryggvi segist hafa tekið því sem hrósi því í raun hafi þeir bara verið að segja að hann sé kóngur.
Bréfið má sjá hér að neðan.
Kæra Mafía
Það var hálfskrýtið að rölta inn á Krikann síðasta sunnudag þegar við öttum kappi við Fjölnismenn. Það voru töluverð læti úr stúkunni en því miður voru þau flest öll frá Fjölnismönnum. Reyndar fór meira fyrir því hjá þeim að öskra ljótum orðum að okkur frekar en að styðja sitt lið. Þeir kölluðu mig t.d typpahaus en auðvitað tók ég því bara sem hrósi því í raun voru þeir bara að segja að ég væri kóngur!!!
En það sem að veldur okkur strákunum áhyggjum er að lítið fór fyrir ykkur í blíðunni. Mjög fáir mættir til leiks og lítið um söngva og hvatningar.
Ekki veit ég hvað veldur (sumarfrí,vinna,timburmenn) en það er alveg ljóst að við þurfum á ykkur að halda allt mótið. Þið eruð og hafið alltaf verið okkar tólfti maður og vona ég að þetta hafi bara verið vinnuslys hjá ykkur á sunnudaginn. Við höfum nú líka átt okkar vinnuslys.
Nú eru reyndar framundan þrír mikilvægir útileikir sem ég vona auðvitað að sem flestir mæti á en er svo ekki von á fullum stuðningi og brjáluðum látum í næstu heimaleikjum? We need you!!
Koma Svo!
F.h. leikmanna
TG.
Athugasemdir
