Heimild: Göteborgs Posten
Jóhann Birnir Guðmundsson leikmaður GAIS fer frítt til Keflavíkur en hann mun klára félagaskipti sín á næstu dögum.
,,Hann hefur gert ótrúlega mikið fyrir okkur," sagði Christer Wallin hjá GAIS við Göteborgs-posten.
,,Hann er með stórt GAIS hjarta og hefur gert alveg ótrúlega mikið fyrir okkur í gegnum árin, þetta er okkar leið til að borga honum til baka."
Jóhann Birnir er þrítugur og lék með Víði Garði og síðan Keflavík á sínum yngri árum. Hann fór síðan í atvinnumennsku árið 1997.
Undanfarin tvö tímabil hefur hann leikið með GAIS en þar áður var Jóhann á mála hjá Watford, Lyn og Örgryte.
