Ómar Jóhannsson og Magnús Þormar.
Markvörðurinn Magnús Þormar er genginn í raðir Keflvíkinga en hann kemur til félagins frá Grindavík.
Magnús er uppalinn hjá Keflavík en fyrir síðasta tímabil fór hann frá félaginu og gekk til liðs við Stjörnuna.
Í vetur gekk þessi 24 ára gamli markvörður til liðs við Grindavík og lék fyrstu tvo leiki liðsins í Landsbankadeildinni en missti síðan sæti sitt til Zankarlo Simunic.
Magnús er nú kominn til Keflvíkinga en hann hefur fengið leikheimild með liðinu og verður væntanlega í leikmannahópnum gegn Breiðablik í VISA-bikarnum í kvöld.
Þá hefur Jóhann Birnir Guðmundsson einnig fengið leikheimild með Keflavík og er því klár í slaginn fyrir leikinn gegn Blikum í kvöld.
