Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 21. september 2008 16:50
Fótbolti.net
Toppbaráttann enn í fullum gangi - HK fallnir
FH og Keflavík mætast í toppslag.
FH og Keflavík mætast í toppslag.
Mynd: Víkurfréttir - Þorgils Jónsson
Pétur Georg Markan er búinn að skora fyrir Fjölni í dag gegn HK.
Pétur Georg Markan er búinn að skora fyrir Fjölni í dag gegn HK.
Mynd: Fótbolti.net - Hafliði Breiðfjörð
Patrik Redo klúðraði svakalegu dauðafæri áðan.
Patrik Redo klúðraði svakalegu dauðafæri áðan.
Mynd: Fótbolti.net - Andri Janusson
Gilles Mbang Ondo braut ísinn fyrir Grindvíkinga gegn Skagamönnum.
Gilles Mbang Ondo braut ísinn fyrir Grindvíkinga gegn Skagamönnum.
Mynd: Fótbolti.net - Hörður Snævar Jónsson
Strákarnir í Keflavík geta tryggt sér titilinn í dag með jafntefli eða sigri á FH í Kaplakrika.
Strákarnir í Keflavík geta tryggt sér titilinn í dag með jafntefli eða sigri á FH í Kaplakrika.
Mynd: Fótbolti.net - Vilbogi M. Einarsson
Scott Ramsey er allt í öllu hjá Grindvíkingum gegn Skagamönnum.
Scott Ramsey er allt í öllu hjá Grindvíkingum gegn Skagamönnum.
Mynd: Fótbolti.net - Gísli Baldur
Atli Viðar skoraði tvö fyrir FH.
Atli Viðar skoraði tvö fyrir FH.
Mynd: Fótbolti.net - Hafliði Breiðfjörð
FH 3 - 2 Keflavík 16:00 - Leik lokið
1-0 Ásgeir Gunnar Ásgeirsson ('58)
2-0 Atli Viðar Björnsson ('67)
2-1 Magnús Sverrir Þorsteinsson ('77)
2-2 Magnús Sverrir Þorsteinsson ('81)
3-2 Atli Viðar Björnsson ('91)

Fjölnir 3 - 1 HK 16:00 - Leik lokið
1-0 Pétur Georg Markan ('1)
2-0 Davíð Þór Rúnarsson ('16)
2-1 Sinisa Kekic ('65, víti)
3-1 Gunnar Már Guðmundsson ('68, víti)

Breiðablik 2 - 3 Fylkir 16:00 - Leik lokið
1-0 Jóhann Berg Guðmundsson ('5, víti)
1-1 Kristján Valdimarsson ('36)
1-2 Haukur Ingi Guðnason ('43)
1-3 Kjartan Andri Baldvinsson ('90)
2-3 Marel Jóhann Baldvinsson ('92)
Rautt spjald: Ólafur Ingi Stígsson ('80)

KR 5 - 2 Þróttur R. 16:00 - Leik lokið
1-0 Bjarni guðjónsson ('7)
2-0 Viktor Bjarki Arnarsson ('31)
2-1 Hjörtur J. Hjartarson ('34)
3-1 Björgólfur Takefusa ('46)
4-1 Guðjón Baldvinsson ('46)
5-1 Gunnar Örn Jónsson (')
5-2 Adolf Sveinsson ('92)

Fram 2 - 1 Valur 16:00 - Leik lokið
1-0 Ívar Björnsson ('8)
2-0 Joseph Tillen ('46)
2-1 Baldur Ingimar Aðalsteinsson ('62)

Grindavík 1 - 1 ÍA 16:00 - Leik lokið
1-0 Gilles Mbang Ondo ('14)
1-1 Árni Ingi Pjetursson ('51)

Munið að "refresha" reglulega til að síðan uppfærist.

17:54: Öllum leikjum lokið. Nánari umfjallanir, viðtöl og myndir koma inn á vefinn síðar í kvöld.

17.48: MARK!! Adolf Sveinsson minnkar muninn fyrir Þrótt í uppbótartíma en það mun að sjálfsögðu engu breyta. Fallegt mark engu að síður, fast skot inni í teig sem var óverjandi fyrir Stefán Loga.

17:49: MARK!! Marel Jóhann Baldvinsson að minnka muninn fyrir Blikana. Nenad Zivanovic gaf inn í og Marel afgreyddi hann í netið. Valgeir Valgeirsson flautaði síðan leikinn af.

17:48: Búið í Grafarvogi og Grindavík.

17:46: MARK!! Kjartan Andri Baldvinsson að gulltryggja sigur Fylkis. Ingimundur Níels Óskarsson nær boltanum, gefur út á Kjartan, sem að afgreiðir boltann af tærri snilld í samskeytin.

17:46: MARK!!! FH-ingar eru að tryggja sér sigurinn. Tryggvi Guðmundsson sendir fyrir á Atla Viðar Björnsson sem skorar. Lítið er eftir af leiknum og ef FH-ingar fara með sigri af hólmi er baráttan um Íslandsmeistaratitil ennþá í fullum gangi.

17:44: Tómas Leifsson í dauðfæri, Pétur Georg Markan sendi boltann út í miðjan vítateig hjá HK en Tómas Leifsson brenndi af úr dauðafæri.

17:42: Er 35 ára bið Keflvíkinga eftir Íslandsmeistaratitlinum á enda? Nokkrar mínútur eftir og svakalegur hraði í leiknum. FH-ingar leggja allt í sölurnar.

17:40: HK-ingar í dauðfæri, Ásgrímur Albertsson af öllum mönnum var sloppinn einn í gegnum, en skot hans fór í stöngina.

17:38: Stefán Þórðarsson fékk dauðafæri einn á móti markmanni enn Óskar Pétursson varði glæsilega.

17:36: MARK!!! Magnús Sverrir er að jafna og er Íslandsmeistaratitilinn á leið til Keflavíkur? Magnús Sverrir fékk boltann á vinstri kantinum, lék á tvo varnarmenn, kom með boltann inn í teig og skoraði með þrumuskoti.

16:35 Ólafur Ingi Stígsson að fá sitt annað gula spjald eftir tæklingu á Marel Baldvinsson.

17.30: Mark er dæmt af KR-ingum en það á sjálfsagt ekki eftir að breyta neinu. Björgólfur Takefusa skoraði markið en var síðar meir dæmdur rangstæður.

17:32: MARK!! Keflvíkingar minnka muninn. Eftir fyrirgjöf frá vinstri fer boltinn í varnarmann og á varamanninn Magnús Sverrir Þorsteinsson sem er svellkaldur og skorar með skoti framhjá Gunnari í markinu.

17.27: MARK!! Gunnar Örn Jónsson bætir við fimmta marki heimamanna. Hann fékk sendingu frá Grétari Sigfinni Sigurðarsyni, lék á Daníel í marki Þróttar og lagði boltann snyrtilega í autt markið.

17:22: MARK!!! FH-ingar komast í 2-0. Atli Viðar Björnsson fær boltann við vítateigslínuna og skorar með skoti sem hefur viðkomu í varnarmanni. FH-ingar virðast vera að landa sigri gegn Keflavík.

17:21: MARK!! Gunnar Már Guðmundsson skorar úr víti fyrir Fjölnismenn og staðan orðin 3-1 í Grafarvoginum.

17.19: Hjörtur Júlíus Hjartarson nálægt því að bæta við sínu öðru marki eftir frábæra fyrirgjöf frá Sigmundi Kristjánssyni. Hirti til mikillar mæðu lenti knötturinn þó í stönginni og tókst KR-ingum að bægja hættunni frá.

17:19: MARK!! Sinisa Kekic skorar úr víti og minnkar muninn í 2-1.

17:16: MARK!! Baldur Ingimar Aðalsteinsson vann boltann fyrir utan vítateig og skoraði með fínu skoti.

17:15: 2018 áhorfendur eru í Kaplakrikanum í dag en mætingin á leik HK og Fjölnis afar dræm en aðeins 375 áhorfendur sáu sér fært að mæta í rigninguna í Grafarvogi.

17:14: MARK!!! Ásgeir Gunnar Ásgeirsson kemur FH-ingum yfir á 58.mínútu. Boltinn berst til Ásgeirs Gunnars eftir hornspyrnu og hann skorar með viðstöðulausu skoti fyrir utan vítateig.

17:10: Hiti í mönnum í leik Breiðabliks og Fylkis. Alfreð Finnbogason braut á Fjalari Þorgeirssyni og allt varð vitlaust. Alfreð og Ólafur Ingi Stígsson fengu gula spjaldið.

17.10: KR-ingarnir hrynja niður undan hörku gestanna og lágu þrír þeirra með stuttu millibili. Þeir standa þó allir upp að lokum og er engra skiptinga þörf.

17:12: MARK!! Árni Ingi Pjetursson jafnar fyrir Skagamenn gegn Grindvíkingum.

17:05: MARK!!! Joseph Tillen skorar eftir sendingu frá Ívari Björnssyni.

17:08: Mætingin á leik HK og Fjölnis afar dræm en aðeins 375 áhorfendur sáu sér fært að mæta í rigninguna í Grafarvogi.

17.02: MARK!! Guðjón Baldvinsson bætir við fjórða marki KR þegar einungis 25 sekúndur eru liðnar af síðari hálfleik! Hann geystist upp vinstri kantinn, framhjá öllum varnarmönnum Þróttar og alla leið inn í teig þar sem hann lagði boltann fimlega yfir Daníel í markinu.

17:06: Tómas Leifsson labbaði í gegnum vörn HK, lék á hvern leikmanninn á fætur öðrum og á svo skot í slá og yfir.

17:05: HK í stórsókn, Fjölnismenn bjarga tvisvar á marklínu, fyrst átti Sinisa Kekic skot sem þeir bjöguðu á línu svo átti hörður Magnússon skalla sem var varinn á marklínu.

17:03: Rúnar Páll Sigmundsson þjálfari HK greinlega ekki ánægður með sína menn í hálfleik og gerði tvær breytingar í hálfleik Iddi Alkhag og Hörður Már Magnússon komu inná fyrir Stefán Eggertsson og Aaron Palomares.

17:02: Síðari hálfleikirnir farnir af stað.

16:48: ,,Það er llíf í þessu, tvö góð lið að mætast," sagði Tryggvi Guðmundsson þegar hann var að ganga til búningsklefa. ,,Þeir hafa verið að nýta hraðann í Redo og setja hann í gegn en annars erum við meira með boltann, það vantar bara að klára þetta í lokin."

16:47: Búið að flauta til hálfleiks á öllum vígstöðum!

16.46: MARK!! Björgólfur Takefusa þrumar knettinum í slánna og inn og kemur KR í 3-1. Hann fékk glæsilega hælsendingu frá Gunnari Erni Jónssyni og kom með þrumuskot sem fór í varnarmann og slánna og inn! Skömmu síðar er flautað til leikhlés.

16:46: Ingimundur Níels Óskarsson með skot í slá eftir sendingu frá Halldóri Hilmissyni. Stuttu síðar flautar Valgeir Valgeirsson dómari til loka fyrri hálfleiks.

16.43: KR-ingar gríðarlega nálægt því að bæta við þriðja markinu. Gunnar Örn Jónsson tætti í sig varnarmenn Þróttar og náði skoti rétt fyrir utan teig. Skotið breytti um stefnu á Eysteini Lárussyni en Daníel í markinu varði glæsilega í horn.

MARK!! Haukur Ingi Guðnason kemur Fylki í 1-2 beint úr aukaspyrnu af tæpum þrjátíu metrum. Það má setja spurningamerki við staðsettningu Vignis Jóhannessonar markmanns Blika.

16:41: Orri Freyr Hjaltalín fær dauðafæri eftir horn en skot hans fer rétt framhjá.

16:39: Ómar Jóhannsson á langt útspark fyrir Keflavík, boltinn skoppar á blautum vellinum og er á leið inn fyrir á Patrik Redo þegar að knötturinn fer í hendina á Dennis Siim. Keflvíkingar vilja rautt spjald en Kristinn Jakobsson gefur Siim gula spjaldið.

16.34: MARK!! Þróttarar eru ekki lengi að minnka muninn og var það Hjörtur Júlíus Hjartarson. Vörn KR-inga var alveg sofandi á verðinum og nýtti Hjörtur sér mistök þeirra til hins ýtrasta. Aftur komin spenna í leikinn!

16:35: Casper Jacobsen markvörður fer útaf eftir samskipti sín við Kristján Valdimarsson og inn kemur Vignir Jóhannesson.

16:34 MARK!! Kristján Valdimarsson að jafna metin fyrir Fylki gegn Breiðablik. Haukur Ingi Guðnason kom með sendingu inn í teiginn og Kristján tók boltann niður og lagði hann framhjá Casper Jacobsen, sem að liggur meiddur eftir.

16.31: MARK!! Viktor Bjarki Arnarsson bætir við marki fyrir KR. Hann fór illa með vörn Þróttara og kláraði með glæsibrag.

16:29: Scott Ramsey er allt í öllu og átti aðra mjög góða sendingu á jósef Jósefsson sem sendi hann út á Aljosa Gluhovic sem skaut á markið en varnarmaður skagamanna fór fyrir boltann og beint í horn.

16:28 Fylkismenn vilja fá vítaspyrnu í tvígang. Fyrst vildu þeir meina að brotið hafi verið á Hauk Inga Guðnasyni og síðan á Birni Orra Hermannssyni.

16.25: Björgólfur Takefusa á aukaspyrnu sem fer af varnarveggnum og rétt framhjá markinu. KR-ingar fá hornspyrnu og voru hársbreidd frá því að skora.

16:19: DAUUUÐÐÐÐAFÆÆÆRI!!! Rangstöðuvörn FH klikkar og Patrik Redo sleppur aleinn í gegn en skot hans fer framhjá. Strax í næstu sókn kemst Redo aftur í gott færi en skot hans er laust og Dennis Siim bjargar. Redo á væntanlega ekki eftir að sofa vel í nótt ef að FH-ingar fara með sigur af hólni

16.16: Á KR-vellinum hafa heimamenn hafa verið talsvert ákveðnari en þó ekki tekist að skapa sér nein hættuleg færi eftir markið.

16:16: MARK!! Davíð Þór Rúnarsson skorar stórglæsilegt mark. Hann fékk boltann rétt við vítateigslínuna, hann lét vaða og boltinn efst uppí samskeytin óverjandi fyrir Gunnleif í markinu.

16:14: MARK!! Gilles Mbang Ondo kemur Grindavík yfir gegn ÍA eftir glæsilega sendingu frá Scott Ramsay.

16:10: HK skorar en markið dæmt af vegna ragnstöðu. Aaron Palomares átti hörkuskot sem Þórður Ingason varði vel, hann hélt ekki boltanum og Hörður Magnússon potaði boltanum yfirlínuna en markið var dæmt af vegna rangstöðu.

16:11: MARK!! Ívar Björnsson kemur Fram yfir gegn Val með skoti úr teignum á 8. mínútu.

16:11: Á hinum enda vallarins var hinn bráðefnilegi Alfreð Finnbogason að skjóta rétt framhjá markinu efitr að hafa leikið á varnarmann Fylkis.

16:10: Ingimundur Níels Óskarsson að brenna af dauðafæri fyrir Fylkismenn. Ian Jeffs kom með sendinguna bakvið vörn Blika og Ingimundur skaut í hliðarnetið.

16:08: MARK! Bjarni Guðjónsson skoraði sitt fyrsta mark fyrir KR eftir fyrirgjöf frá Gunnari Erni Jónssyni. Gunnar geystist upp kantinn og átti frábæra fyrirgjöf inn í teiginn og þar var Bjarni mættur og skoraði hann með föstu skoti í hægra hornið.

16:02: MARK!! Jóhann Berg Guðmundsson að koma Blikum yfir úr vítaspyrnu á fimmtu mínútu. Kjartan Ágúst Breiðdal hafði hlaupið Arnór Svein Aðalsteinsson niður og Valgeir Valgeirsson dómari benti á punktinn.

16:03: MARK!! Pétur Georg Markan vippar laglega yfir Gunnleif Gunnleifsson í markinu, mistök milli Gunnleifs og Ásgríms Albertssonar.

16:02: Aðrir leikir eru einnig byrjaðir.

16:00: Leikurinn er hafinn í Kaplakrika.

15:59: Leikurinn er hafinn í Kópavogi.

15:56: FH-ingar munu spila 4-4-2 en ekki 4-3-3 eins og liðið hefur verið þekkt fyrir. Atli Guðnason og Atli Viðar Björnsson verða frammi.

15:55: Byrjunarliðin í Vesturbæ eru dottinn inn.

KR: Stefán Logi Magnússon (M), Grétar Sigfinnur Sigurðarson, Gunnlaugur Jónsson, Jónas Guðni Sævarsson (F), Guðjón Baldvinsson, Björgólfur Takefusa, Viktor Bjarki Arnarsson, Skúli Jón Friðgeirsson, Bjarni Guðjónsson, Gunnar Örn Jónsson, Guðmundur Reynir Gunnarsson.

Þróttar: Daníel Karlsson (M), Hallur Hallsson, Michael Jackson, Eysteinn Pétur Lárusson, Hjörtur Júlíus Hjartarson, Magnús Már Lúðvíksson, Jesper Sneholm, Sigmundur Kristjánsson (F), Rafn Andri Haraldsson, Kristján Ómar Björnsson, Þórður Steinar Hreiðarsson.

15:54: Ástand í "blaðamannastúku Fjölnis" er það alvarleg að blaðamennirnir eru flúnir inn vega rigningar.

15:52: Áhorfendum er að fjölga í Kaplakrika en mikil rigning er á svæðinu.

15:47: Byrjunarliðin hjá Fjölni og HK eru einnig klár.

Fjölnir: Þórður Ingason - Gunnar Valur Gunnarsson, Óli Stefán Flóventsson, Kristján Hauksson, Magnús Ingi Einarsson – Heimir Snær guðmundsson, Gunnar Már Guðmundsson, Ágúst Gylfason – Pétur Georg Markan, Davíð Þór Rúnarsson, Tómas Leifsson
Varamenn: Ólafur Páll Johnson, Ásgeir Aron Ásgeirsson, Aron Jóhannsson, Steinar Örn Gunnarsson, Andri Valur Ívarsson, Geir Kristinsson, Guðmundur Guðmundsson.

HK: Gunnleifur Gunnleifsson – Damir Muminovic, Finnbogi Llorens, Ásgrímur Albertsson, Hörður Árnason – Stefán Eggertsson, Rúnar Már Sigurjónsson, Finnur Ólafsson, Aaron Palomares – Hörður Magnússon, Sinisa Kekic.
Varamenn: Hörður Már Magnússon, Ögmundur Ólafsson, Iddi Alkhag, Hafsteinn Briem, Almir Cosic, Ólafur V. Júlíusson, Bjarki Kristjánsson.

15:44: Byrjunarliðin í Kópavogi eru klár.

Breiðablik: Casper Jacobsen, Srdjan Gasic, Nenad Petrovic, Prince Rajcomar, Magnús Páll Gunnarsson, Guðmundur Kristjánsson, Jóhann Berg Guðmundsson, Arnór Sveinn Aðalsteinsson, Alfreð Finnbogason, Finnur Orri Margeirsson, Hörður Sigurjón Bjarnason.


Fylkir: Fjalar Þorgeirsson, Kristján Valdimarsson, Ólafur Ingi Stígsson, Ian Jeffs, Kjartan Ágúst Breiðdal, Haukur Ingi Guðnason, Andrés Már Jóhannesson, Ingimundur Níels Óskarsson, Halldór Arnar Hilmisson, Valur Fannar Gíslason, Björn Orri Hermannsson.


15:32: Byrjunarliðin hjá FH og Keflavík eru klár. Heimir Guðjónsson hristir upp í liðinu eftir 4-1 tapið gegn Fram. Guðmundur Sævarsson, Freyr Bjarnason og Atli Guðnason koma inn í byrjunarliðið fyrir Björn Daníel Sverrisson, Hjört Loga Valgarðsson og Matthías Vilhjálmsson. Ásgeir Gunnar Ásgeirsson mun leika á miðjunni í dag og þá er spurning hvort Tryggvi Guðmundsson eða Atli Viðar Björnsson verði framarlega á miðjunni.

Kristján Guðmundsson þjálfari Keflvíkinga hefur hins vegar ákveðið að halda sig við sama lið og í sigurleiknum gegn Breiðablik í síðustu umferð.

FH: Gunnar Sigurðsson, Guðmundur Sævarsson, Dennis Siim, Tommy Nielsen, Freyr Bjarnason, Davíð Þór Viðarsson, Ásgeir Gunnar Ásgeirsson, Tryggvi Guðmundsson, Matthías Guðmundsson, Atli Viðar Björnsson, Atli Guðnason.
Varamenn: Daði Lárusson (M), Jónas Grani Garðarsson, Matthías Vilhjálmsson, Hákon Atli Hallfreðsson, Björn Daníel Sverrisson, Birkir Halldór Sverrisson, Hjörtur Logi Valgarðsson.


Keflavík: Ómar Jóhannsson, Guðjón Árni Antoníusson, Kenneth Gustafsson, Hallgrímur Jónasson, Brynjar Guðmundsson, Símun Samuelsen, Hans Yoo Mathiesen, Hólmar Örn Rúnarsson, Jóhann Birnir Guðmundsson, Guðmundur Steinarsson, Patrik Redo.
Varamenn: Einar Orri Einarsson, Magnús Þórir Matthíasson, Hörður Sveinsson, Jón Gunnar Eysteinsson, Magnús Sverrir Þorsteinsson, Þórarinn Brynjar Kristjánsson, Magnús Þormar (M)

14:50: Hér verður bein textalýsing frá næstsíðustu umferðinni í Landsbankadeild karla en sex leikir hefjast klukkan 16:00. Tvö efstu liðin, FH og Keflavík mætast í Hafnarfirði. Með sigri eða jafntefli geta Keflvíkingar tryggt sér Íslansdmeistaratitilinn en búast má við hörkuleik í dag.

Í fallbaráttunni gætu HK-ingar mögulega þurft að bíta í það súra epli að falla. HK-ingar verða að ná í það minnsta stigi gegn Fjölni og vona að Fylkismenn vinni ekki Blika á sama tíma.

Fram og Valur mætast í mikilvægum leik í baráttunni um þriðja sætið, Skagamenn heimsækja Grindvíkinga og KR mætir Þrótti.
Athugasemdir
banner
banner
banner