Manchester United 0 - 0 Tottenham (4-1 eftir vítaspyrnukeppni)
Manchester United tryggði sér nú síðdegis sigur í enska deildabikarnum þegar að liðið lagði Tottenham í úrslitaleik.
Staðan var markalaus eftir venjulegan leiktíma og framlengingu en Manchester United hafði betur í vítaspyrnukeppni þar sem Jamie O'Hara og David Bentley misnotuðu báðir vítaspyrnur fyrir Tottenham.
Nokkra lykilmenn vantaði í lið Manchester United en Edwin van der Sar, Michael Carrick og Wayne Rooney voru meðal annars ekki í leikmannahópnum í dag. Þrátt fyrir það tókst liðinu að landa sigri.
Aaron Lennon og Darren Bent ógnuðu báðir marki United í leiknum en Ben Foster, markvörður Manchester United, var vandanum vaxinn.
Manchester United hefði getað fengið vítaspyrnu þegar að Ledley King virtist brjóta á Cristiano Ronaldo en Portúgalinn fékk hins vegar að líta gula spjaldið fyrir leikaraskap.
Undir lokin átti Ronaldo síðan hörkuskot í stöngina og niðurstaðan 0-0 eftir venjulegan leiktíma. Hvorugu liðinu tókst að skora í framlengingunni og því var gripið til vítaspyrnukeppni.
Ben Foster varði fyrstu spyrnu Tottenham frá Jamie O'Hara og David Bentley skaut síðan framhjá á meðan leikmenn Manchester United skoruðu örugglega úr sínum spyrum og tryggðu sér sigurinn.
Gangur vítaspyrnukeppninnar:
1-0 Ryan Giggs skorar
Ben Foster ver frá Jamie O'Hara
2-0 Carlos Tevez skorar
2-1 Vedran Corluka skorar
3-1 Cristiano Ronaldo skorar
David Bentley skýtur framhjá
4-1 Anderson skorar
Athugasemdir