Heimild: Sky 

Manchester United þurfti að bíða lægri hlut fyrir Liverpool á Old Trafford í dag 1-4 þrátt fyrir að hafa náð forystunni í leiknum. Cristiano Ronaldo kom Englandsmeisturunum yfir úr vítaspyrnu, en Fernando Torres, Steven Gerrard, Fabio Aurelio og Andrea Dossena sáu til þess að kafsigla United liðinu.

,,Þetta er mjög erfitt þar sem mér fannst við virkilega vera betri aðilinn í leiknum því að úrslitin segja ekki til um það, en að sjálfsögðu þegar lið vinnur 4-1 á Old Trafford þá áttu skilið hrós og það er ekki hægt að neita því," sagði Ferguson.

,,Ef deildin væri að byrja núna þá myndir þú taka þann möguleika að vera með fjögurra stiga forskot."

,,Þetta var slæmur dagur, en ég get ekki kvartað yfir gæðunum í spilamennskunni. 1-2 leikmenn voru ekki upp á sitt besta í dag og bjóst ég við meiru frá þeim, en fótboltinn var góður og við héldum áfram og sýndum mikla baráttu," sagði Ferguson að lokum.