Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 09. apríl 2009 15:00
Gunnar Gunnarsson
Heimild: Soccernet 
Steven Gerrard tæpur fyrir leikinn gegn Blackburn um helgina
óvíst hvort fyrirliðinn verði leikfær vegna nárameiðsla
Steven Gerrard fyrirliði Liverpool í baráttu við Michael Ballack í leiknum í gær.
Steven Gerrard fyrirliði Liverpool í baráttu við Michael Ballack í leiknum í gær.
Mynd: Getty Images
Liverpool vonast til að fyrirliði sinn Steven Gerrard verði leikfær fyrir deildarleik liðsins gegn Blackburn en kappinn kenndi sér meins í nára eftir viðureign rauða hersins gegn Chelsea í Meistaradeildinni í gærkvöldi.

Steven Gerrard sem fór einmitt í aðgerð vegna nárameiðsla síðasta sumar mun fara í myndatöku í dag til að meta hversu alvarleg eymslin eru en hann gæti hugsanlega misst af næsta deildarleik Liverpool sem verður gegn Blackburn á Anfield á laugardag.

Fyrirliðinn kvartaði undan einhverjum eymslum í 0-1 útisigrinum gegn Fulham um síðustu helgi en Gerrard var skipt út af undir lok leiksins í varúðarskyni.

Eftir slæmt tap gegn Chelsea í Meistaradeildinni í gær lítur allt út fyrir að draumar Liverpool á að komast lengra í keppninni séu úti.

Eina von liðsins á titli er því sigur í ensku úrvalsdeildinni en þar mega þeir rauðklæddu ekki við því að tapa fleiri stigum. Fjarvera fyrirliðans yrði því mikil blóðtaka fyrir Liverpool ef hann reynist ekki leikfær um helgina.

Liverpool hefur ekki gefið út neitt varðandi meiðsli Gerrards í dag en í gærkvöldi gaf þjálfari liðsins Rafael Benitez í skyn að fyrirliðinn gengi ekki heill til skógar.

,,Steven var ekki alveg 100% heill heilsu, þið gátuð vel séð það. Hann var ekki eins hreyfanlegur og venjulega. Leikmenn Chelsea höfðu einnig mjög góðar gætur á honum," sagði Benitez og bætti við.
,,Meiðslin sem hann varð fyrir gegn Fulham voru ekki vandamálið, ökklinn er í fínu lagi. En við vitum ekki alveg hvernig hann hefur það, við munum vita meira á morgun," sagði Benitez eftir leikinn gegn Chelsea í gær.
Athugasemdir
banner
banner
banner
banner
banner