Dóra Stefánsdóttir miðvallarleikmaður íslenska landsliðsins tryggði LdB Malmö 2-1 sigur á AIK í sænsku kvennadeildinni í gærkvöld.
Markið dugði LdB Malmö til að komast í toppsæti deildarinnar.
Malmö hafði komist yfir eftir stundarfjórðun en AIK jafnaði metin undir lok fyrri hálfleiks.
Dóra skoraði svo sigurmarkið á 76. mínútu með skalla.
Hún lék allan leikinn á miðri miðjunni hjá Malmö.
Sigurinn kom LdB FC Malmö í toppsæti deildarinnar með 18 stig eftir sjö leiki. Jafnmörg stig og Umeå en markatalan hjá LdB Malmö er 24 í plús á móti 13 hjá Umeå.
Athugasemdir