Frábærir stuðningsmenn Keflavíkur verða ekki á Möltu í dag en geta fylgst með í textalýsingu á Fótbolta.net.
Keflavík mætir liði Valetta frá Möltu í Evrópudeild UEFA klukkan 15:30 í dag og lesendur Fótbolta.net geta fylgst með leiknum í beinni textalýsingu hér á Fótbolta.net á meðan honum stendur.
Leikið er á gervigrasi á Möltu í miklum hita en ljóst að Keflavík verður að ná góðum úrslitum fyrir seinni leik liðanna sem fer fram hér á landi.
Leikurinn hefst sem fyrr segir klukkan 15:30 og um hálfri klukkustund fyrr byrjum við að færa inn nýjustu tíðindin frá Möltu, byrjunarlið Keflvíkinga og svo framvegis.
Í kvöld mætir Fram svo liði TNS í sömu keppni auk þess sem þrír leikir fara fram í Pepsi-deild karla. Öllum þeim leikjum verður einnig lýst í beinni textalýsingu hér á Fótbolta.net.
