Marel Baldvinsson, framherji Vals, hefur neyðst til að leggja skóna á hilluna vegna meiðsla, 28 ára að aldri.
,,Aðalástæðan er heilsan en ég hef átt við meiðsli að stríða og eru þau það slæm að ég verð að stoppa," sagði Marel við Fótbolta.net.
Honum bauðst að gera nýjan samning við Val auk þess sem að fimm úrvalsdeildarfélög sýndu honum áhuga, þar á meðal Stjarnan,
Marel hóf ferilinn hjá Breiðablik þar sem hann vakti athygli fyrir vasklega framgöngu og í kjölfarið fékk Stabæk hann í sínar raðir árið 2000.
Tveimur árum síðar fór Marel til Lokeren í Belgíu þar sem hann lék í fjögur ár áður en hann gekk aftur til liðs við Breiðablik.
Marel skoraði ellefu mörk í þrettán leikjum með Blikum sumarið 2006 áður en Molde keypti hann. Marel líkaði ekki vel í herbúðum Molde og gekk aftur til liðs við Breiðablik fyrir sumarið 2008.
Síðastliðið vor fékk Valur hann síðan í sínar raðir þar sem hann skoraði þrjú mörk í nítján leikjum í Pepsi-deildinni í sumar.
Á ferli sínum lék Marel einnig sautján landsleiki fyrir Íslands hönd, síðast í vináttulandsleik gegn Azerbaijan í ágúst árið 2008. Þá skoraði hann alls 26 mörk í 66 leikjum í efstu deild á ferlinum.
Athugasemdir
