Trausti Már Valgeirsson sjúkraþjálfari svarar á mánudagsmorgnum fyrirspurnum lesenda um algeng meiðsli í fótboltanum og útskýrir málið hér á Fótbolta.net. Trausti svarar í dag nýrri fyrirspurn.
Öllum er frjálst að senda Trausta fyrirspurnir og á hverjum mánudegi svarar hann einni slíkri. Sendið fyrirspurnir á netfangið: [email protected].
Öllum er frjálst að senda Trausta fyrirspurnir og á hverjum mánudegi svarar hann einni slíkri. Sendið fyrirspurnir á netfangið: [email protected].
Spurning:
Komdu sæll Trausti,
Hvaða hlutverk hafa liðþófar í hnjám?
Svar Trausta:
Hnéliðurinn hefur tvo liðþófa (meniscus), miðlægan(medial) og hliðlægan(lateral). Hlutverk þeirra er að draga úr álagi og höggi á liðbrjóskið í hnéliðnum þ.e. liðbrjóskið á sköflungnum (tibia) og lærleggnum (femur)og einnig veita liðþófarnir aukinn stöðugleika í hnéinu.
Liðþófameiðsli geta gerst eitt og sér eða í tengslum við aðra liðbandaáverka í kringum hnéið. Til dæmis eru um 75% þeirra sem rífa fremra krossbandið (ACL) hljóta einnig áverka á liðþófa.
Áverki á miðlæga liðþófann eykur töluvert álagið á liðbrjóskið í miðlæga hluta hnésins sem eykur töluvert líkur á sliti. Samt er áverki á hliðlæga liðþófann verri heldur en sá miðlægi vegna þess að hann spilar meira hlutverk í starfrænum(functional) stöðugleika hnésins sem getur haft meiri áhrif á virkni hnésins til lengri tíma. Áhættan á að þróa með sér slit í hnéinu fer eftir því hversu mikið liðþófinn er skaðaður.
Kv.Trausti Már.
