Heimild: Goal.com
Evrópumeistarar, Barcelona verða án Daniel Alves næstu þrjár vikurnar eftir að hægri bakvörðurinn kenndi sér meins í upphitun fyrir leik liðsins gegn Getafe í gærkvöldi.
Samkvæmt áreiðanlegum heimildum frá spænska íþróttablaðinu Marca, átti Alves að vera í byrjunarliði Katalóníuliðsins er meiðsli í hægri fæti gerðu vart við sig hjá leikmanninum.
Talið er líklegt að Alves muni missa af næstu þremur leikjum Barcelona, gegn Atletico Madrid og Racing Santander í spænsku deildinni auk fyrri viðureignar Börsunga á móti Stuttgart í Meistaradeild Evrópu.


