Heimild: Sport
Andrey Arshavin, miðjumaður Arsenal, hefur sagt í gríni að það hafi verið gott að Nicklas Bendtner skoraði ekki í 3-1 sigrinum gegn Burnley um helgina.
Bendtner misnotaði fullt af dauðafærum í leiknum en Arshavin vonar að Daninn hafi verið að spara mörkin fyrir leikinn gegn Porto í Meistaradeildinni á morgun.
,,Því miður, eða kannski sem betur fer skoraði hann ekki í dag," sagði Arshavin á heimasíðu sinni eftir leikinn í fyrrdag.
,,Af hverju sem betur fer? Ég vona að hann hafi verið að spara mörkin fyrir leikinn gegn Porto."
Arsenal tapaði fyrri leiknum gegn Porto 2-1 og liðið þarf því að skora á morgun til að eiga möguleika á að komast áfram í 8-liða úrslitin.
