Nárakviðslit (Inguinal Hernia)

Kviðslit og náravandamál eru algeng íþróttameiðsli, sérstaklega í fótbolta, vegna þess að mikið álag er á mjaðmagrindarsvæðinu og mikil snúningsátök eru í gangi. Algengast er að nárakviðslit verður þar sem kviðveggurinn er veikastur fyrir, milli kviðs og innan læris, sjá mynd.

Við kviðslitið getur þrýstingur á taugar sem fara í gegnum þetta svæði valdið verk sem leiðir í efri hluta lærisins og niður í eistu.

Dagurinn eftir að kviðslit hefur átt sér stað getur einstaklingurinn átt í erfiðleikum með að komast fram úr rúmi eða inn og út úr bíl. Allt sem getur aukið þrýstinginn innan frá getur valdið verkjum, eins og t.d. hósti, hnerri og snöggar hreyfingar. Á byrjunarstigum kviðslits getur viðkomandi stundað íþróttir að einhverju leyti en vandamálið verður yfirleitt verra með tímanum.

Verkur í náranum og mjaðmagrindinni getur stafað af ýmsum vandamálum, eins og áverkum á mjóbak, mjaðmarlið, spjaldlið ofl. Þess vegna skiptir miklu máli að greina vandamálið rétt í upphafi. Það getur verið erfitt að greina kviðslit og það er ekki algengt að íþróttafólk hafi verið kviðslitið í nokkrar vikur eða mánuði þar til sérfræðingur á því sviði sem kemur með greininguna.

Meðferð felst í því að auka stöðugleika og styrk í vöðvum á mjaðmargrindarsvæði, en það lagar samt ekki alltaf vandamálið. Í flestum tilvikum er hægt að stunda íþróttina sína í teygjubuxum þar til viðkomandi leggst undir hnífinn, en skurðaðgerð er í flestum tilvikum eina lausnin.

Trausti Már Valgeirsson