Samkvæmt heimildum Fótbolti.net hafa útsendarar frá hollenska stórliðinu PSV Eindhoven fylgst með Gylfa í þremur leikjum frá áramótum og þá er vitað að mörg ensk úrvalsdeildarlið hafa fylgst með honum að undanförnu.

Búast má við því að útsendarar PSV haldi áfram að fylgjast með framgöngu Gylfa, sem hefur skorað 13 mörk á keppnistímabilinu, til loka tímabilsins enda virðist hann verða betri með hverri vikunni sem líður.

Það mun því reynast Reading þrautinni þyngri að halda Gylfa innan raða félagsins í sumar og má gera ráð fyrir því að spili annars staðar á næsta keppnistímabili.

Einn íslenskur leikmaður hefur verið á mála hjá PSV en það er fyrrum landsliðsfyrirliðinn, Eiður Smári Guðjohnsen.