Heimild: Sky
Milan Jovanovic segir að hann sé víst að ganga til liðs við Liverpool þrátt fyrir fréttir þess efnis að ekki væri víst að hann væri að fara þangað.
Fréttir bárust af því í síðustu viku að óvíst væri hvort Jovanovic væri að fara á frjálsri sölu til Liverpool frá Standard Liege í Belgíu vegna óvissu um hvort Rafael Benítez eigi framtíð hjá félaglinu.
Jovanovic neitar því hinsvegar og segist aðeins vera að bíða eftir atvinnuleyfi áður en hann fer til félagsins.
,,Hvað mig varðar er þetta frágengið," sagði Jovanovic. ,,Það eina er að atvinnuleyfið er ekki enn komið."
,,En ég hef frest fram í júní til að fá það. Ég er rólegur. Á næstu leiktíð leik ég með Liverpool."