94 min: Leiknum er lokið og KR því lengjubikarsmeistarar 2010 og þeirra annar titill á árinu. Óverðskuldaður sigur verður þó að segjast. Vioðtöl og umfjöllun koma á síðuna innan skamms.

93 min: Fín sókn hér hjá Blikum en þeir voru dæmdir rangstæðir þegar Kristinn Steindórssonm slapp inn fyrir

90 + min: Það eru 4 mínútum bætt við og Blikar eiga því enn séns á að jafna.

89 min: Olgeir Sigurgeirsson fór hér útaf og í hans stað kom Högni Helgason

88 min: Lars markmaður KR fær hér gult spjald fyrir að tefja leikinn

86 min: Gunnar Örn Jónsson fer hér útaf og Ingólfur Sigurðsson kemur í hans stað hjá KR

85 min: Kári Ársælsson með skalla eftir hornspyrnu sem Lars varði vel. Það verður að segjast eins og er að það sést ekki að Blikar eru manni færri. Þeir eru mun betri,

83 min: Blikar eru ekki hættir það er alveg ljóst á meðan KR er ekki að sýna sinn sterkasta leik. Blikar eru mun hættulegri og eru líklegir til að jafna.

81min: Haukur Baldvinsson fer útaf og Rannver Sigurjónsson kemur í hans
stað hjá Blikum

76 min: Elfar Freyr Helgason fær hér sitt annað gula spjald í leiknum og þar með rautt.

71 min: Björgólfur Takefusa fer útaf og í hans stað kemur Gunnar Kristjánsson

68 min: Þá er komin smá meiri spenna í leikinn eftir þetta mark Blika. Þeir áttu skilið að skora enda búnir að liggja í sókn það sem af er seinni hálfleiks. Rúmar 20 mínútur eftir og allt getur gerst.

63 min: MARK!!!! Kári Ársælsson/Arnór Aðalsteinsson skorar hér fyrir Blika eftir að hafa skallað boltanum í slánna og Arnór kláraði dæmið en markið er skráð á Kára af vallarstarfsmanni því boltinn fór niður á línuna en ég sá ekki hvort að hann var fyrir innan en Arnór allavegana ýtti honum inn ef hann var ekki kominn þar fyrir.

60 min: Óskar Örn Haukson fór hér útaf og í hans stað kom Guðmundur Reynir Gunnarsson

59 min: Olgeir Sigurgeirsson klúðraði hér á ótrúlegan hátt. Hann fékk fyrirgjöf eftir að Jökull tók aukaspyrnu og Arnór skallaði boltanum fram fyrir labbirnar á Olgeiri sem var einn fyrir opnu marki og ekkert auðveldara hefði verið en að bota boltanum inn í markið fyrir Olgeir, en hann hitti ekki boltann.

57 min: Lars markmaður KR bjargar hér tvisvar sinnum vel eftir góða sókn Blika. Blikar byrja þennan hálfleik líkt og þann fyrri og eru mun ákveðnari. KR virðist leggja áherslu á að halda fengnum hlut.

46 min: Þá er seinni hálfleikurinn hafinn. Þetta verða vonandi fróðlegar og fjörugar næstu 45 mínútur.

Hálfleikur: KR er tveimur mörkum yfir, kannski frekar ósanngjarnt ef tekið er mið af fyrstu 40 mínútunum. En það er ekki spurt að því. Það verður fróðlegt að sjá hvernig Blikar bregðast við þessu nú í seinni hálfleiknum

45 + min: MARK!!!! KR setti í 5 gírinn hér í lok fyrrihálfleiks og Mark Rutgers skoraði annað mark þeirra á innan við tveim mínutum

43 min: MARK!!!!! Björgólfur hlýtur að hafa verið að tékka á Fótbolti.net því að örfáum sekúndum eftir að ég setti hér inn færsluna um að ekkert mark væri komið að þá setti hann boltann laglega í netið hjá Blikum

42 min: Það er farið að styttast í lok þessa fyrri hálfleiks. En ekkert mark er komið en ég hef nú trú á að það breytist í seinni hálfleiknum.

34 min: Kristinn Steindórsson komst hér í skyndisókn einn á móti markmanni KR og sendi boltann framhjá Lars en boltinn fór framhjá markinu. Ágætis tilraun.

33 min: Björgólfur með hættulega aukaspyrnu hér rétt fyrir utan vítateig Blika, boltinn fór í varnavegg og breytti um stefnu en Ingvar náði að verja þrátt fyrir það.

23 min: Ingvar Kale með stórglæsilega markvörslu þegar Björgólfur komst einn inn fyrir vörn Blika en Ingvar kom vel á móti honum og hirti boltann af Björgólfi. Vel gert hjá Ingvari. Nú er að færast fjör í leikinn!!

22 min: Stórhætta við mark Blika. KR fékk hornspyrnu og í kjölfarið tvo skot innan úr teignum en Blikar bjarga í bæði skiptin á línu!!!!!

20 min: Rafn Andri kemur útaf og í stað hans kemur Andri Rafn Yeoman

17 min: Rafn Andri liggur hér eftir á vellinum eftir samstuð við Skúla Jón sem virtist hafa kýlt hann í kviðinn. Skúli fékk gult spjald í kjölfarið. Rafn er borinn af velli.

13 min: Jordao hljóp upp kantinn og kom með góða fyrirgjöf beint í fæturnar á Kjartani Henry en KR náði ekki að nýta sér þetta færi. Það er ekki mikið að gerst svosem en KR er að lifna til lífsins.

9 min: Blikar byrja mun ákveðnari í dag án þess þó að ná að búa sér til umtalsverð hættuleg færi. KR eru helst til mikið kærulausir og ómarkvissir í sínum aðgerðum.

5 min: Kristinn Jónsson fékk hér ákjósanlegt tækifæri fyrir Blika en hann fékk að leika sér einn inn fyrir vörn KR en skot hans var slakt.

14:00: Nú hefur dómari leiksins Þoroddur Hjaltalín blásið til leiks og verður fróðlegt að sjá hvernig leikurinn kemur til með að spilast. KR er af mörgum talið það lið sem á Íslandsmeistaratitilinn vísan því að þeir eru ógnarsterkir og með mikla breidd. En Bikarmeistarnir í Breiðablik eru sterkir og koma til með að verða ofarlega í sumar. En úrslitaleikurinn er byrjaður og við fylgjumst spennt með.

Lið Breiðabliks: Ingvar Kale, Finnur Orri Margeirsson, Elfar Freyr Helgason, Kári Ársælsson, Kristinn Steindórsson, Haukur Baldvinsson, Olgeir Sigurgeirsson, Jökull I Elísarbetarson, Kristinn Jónsson, Rafn Andri Haraldsson, Arnór Sveinn Aðalsteinsson.
Varamenn: Árni Kristinn Gunnarsson, Högni Helgsson, Rannver Sigurjónsson, Aron Már Smárasson, Sigmar Ingi Sigurðsson, Andri Rafn Yeoman

Lið KR: Lars Ivar Moldsked, Bjarni Eggerts Guðjónsson, Kjartan Henry Finnbogason, Skúli Jón Friðgeirsson, Baldur Sigurðsson, Óskar Örn Haukson, Björgólfur H Takefusa, Viktor Bjarni Arnarsson, Mark Rutgers, Gunnar Örn Jónsson, Jordao Diogo
Varamenn: Þórður Ingason, Gunnar Kristjánsson, Egill Jónsson,, Ingólfur Sigurðsson, Guðjón Baldvinsson, Eggert R Einarsson, Guðmundur R Gunnarsson

15:50: Velkomin í beina textalýsingu frá leik Breiðabliks og KR í úrslitaleik karla í Lengjubikarnum árið 2010. Þetta er síðasti leikurinn í undirbúningstímabilinu hjá liðunum en Pepsí deildin hefst eftir viku. Byrjunarliðin koma hér inn á síðuna eftir stutta stund.