Matthías Vilhjálmsson leikmaður FH segir að hann hafi ekki verið að dýfa sér er liðið gerði 2-2 jafntefli gegn Val á mánudag.
Valur var yfir 2-1 er Matthías fékk vítaspyrnuna en Reynir Leósson virtist ekki koma mikið við hann.
Gunnar Már Guðmundsson fór á punktinn og skoraði úr spyrnunni.
,,Ég var ekki að dýfa mér," sagði Matthías í samtali við Fótbolta.net í dag.
,,Ég fann fyrir snertingu og í stöðunni 2-1 þá þurftum við á einhverju að halda og ég var kannski ekki að reyna að standa."
,,Fyrir mér var þetta víti og þeir sem voru í kringum mig fannst þetta vera víti."
,,Þetta var mjög mikilvægt því við ætluðum ekki að tapa þessum leik.," sagði Matthías að lokum.
FH á stórleik á næsta sunnudag er liðið mætir Haukum á Vodafone vellinum.
