Stjörnumenn og Haukamenn áttust við í kvöld í miklum baráttuslag í Garðabænum. Fyrirfram mátti búast við hörkuleik en seinast þegar þessi lið áttust við í deildarkeppni unnu liðin sitthvorn leikinn í miklum markaleikjum. Haukar unnu Stjörnuna 5-4 á meðan Stjarnan sigraði Hauka 5-1. Það mátti því búast við miklu fjöri.

Stjörnumenn voru án markvarðar sins Bjarna Þórðar Halldórssonar sem tók út leikbann en Haukar voru án Grétars Atla Grétassonar sem mátti ekki leika þar sem hann er í láni frá Stjörnunni og Sam Malsom var meiddur. Einnig er Arnar Gunnlaugsson enn frá og var því á hliðarlínunni í kvöld.

Leikurinn var fjörugur frá fyrstu mínútu og fyrsta mark leiksins leit dagsins ljós á 13.mínútu. Steinþór Freyr Þorsteinsson hafði þá farið illa með vörn Hauka og fengið hornspyrnu. Mikið klafs var úr hornspyrnunni og boltinn barst loks til Tryggva Bjarnasonar sem skallaði boltann yfir línuna.

Haukamenn urðu svo fyrir miklu áfalli á 30.mínútu þegar Hilmar Trausti Arnarson miðjumaður þeirra var borinn af velli og fluttur með sjúkrabíl en óvíst er með meiðsli hans en þegar seinast var vitað var hann í myndatöku. Mikil harka var í leiknum á þessum tímapunkti og stuttu eftir þetta gerðist mjög umdeilt atvik en þá braut Guðjón Pétur Lýðsson á Jóhanni Laxdal sem missti boltann, til Þórhalls Dan, Jóhann stökk umsvifalaust í tveggja fótatæklingu og braut illa á Þórhalli en Örvar Sær Gíslason dómari leiksins hafði dæmt aukaspyrnu og sleppti Jóhanni án athugasemda.

Haukamenn voru ekkert á þeim buxunum að gefast upp og náðu að jafna leikinn á 39.mínútu leiksins. Þá fékk Jónmundur Grétarsson boltann á hægri kannti og sendi frábæra sendingu innfyrir á Hilmar Geir Eiðsson sem þakkaði pent fyrir sig og lyfti boltanum snyrtilega yfir Magnús Karl í marki Stjörnunnar og jafnaði leikinn.

Siðari hálfleikurinn byrjaði einnig fjörlega og hefðu Haukamenn geta komist yfir þegar Guðjón Lýðsson átti góða aukaspyrnu, boltinn datt fyrir Gunnar Ásgeirsson sem var í dauðafæri einn gegn Magnúsi en skot hans fór í utanverða stöngina og framhjá.

Á tveggja mínútna millibili gerðust svo tvö umdeild atvik, fyrst var Guðjón Lýðsson við það að sleppa í gegnum vörn Stjörnunnar en þá stoppaði dómari leiksins leikinn þar sem Dennis Dannry lá á jörðinni og hélt um höfuð sér, Haukamenn voru allt annað en sáttir við þennan dóm enda Haukamenn komnir í ákjósanlegt tækifæri. Tveimur mínútum síðar þá verður Úlfar Pálsson fyrir höggi og lá niðri og Stjörnumenn brunuðu fram og voru nálægt því að komast í dauðafæri en Daði Lárusson var á undan Mareli í boltann þarna dæmdi Örvar hins vegar ekkert og því spurning um samræmi í dómgæslunni.

Hilmar Geir Eiðsson fékk ágætis tækifæri eftir sendingu Guðjón en þá snéri hann á varnarmann Stjörnunnar og skaut en Magnús Karl gerði vel. Það var svo á 81.mínútu sem Stjörnumenn komust yfir. Steinþór Freyr fékk þá boltann við vítateigshornið og var að leika boltanum útúr vítateig Haukamanna þegar Gunnar Ásgeirsson stjakar við honum og Steinþór féll og vítaspyrna dæmd, strangur dómur en gæti hafa verið réttur. Þorvaldur Árnason skoraði úr spyrnunni en Daði var nálægt því að verja hana.

Lokamínúturnar voru svo æsispennandi og náðu Haukar að skora mark á lokamínútunni en þá voru komnar 4 mínútur fram yfir venjulegan leiktíma, Guðmundur Mete fékk þá boltann á miðjum vallarhelmingi Stjörnunnar, hann lyfti boltanum glæsilega innfyrir á Hilmar Geir Eiðsson sem snér sér við og skoraði. Stjörnumenn vildu meina að Hilmar hafi verið rangstæður en markið stóð og því niðurstaðan 2-2 jafntefli í miklum baráttuleik í Garðabæ.

Tryggvi Bjarnason og Steinþór Þorsteinsson voru bestu menn Stjörnunnar og þá greip Magnús Karl vel inní í markinu hjá Haukum voru Guðjón Lýðsson og Hilmar Geir Eiðsson bestir ásamt markverðinum Daða Lárussyni.

Stjarnan Magnus Karl Petursson - Baldvin Sturluson, Daniel Laxdal, Tryggvi Bjarnason, Johann Laxdal - Atli Johannsson, Dennis Dannry, Steinþor Þorsteinsson (Hilmar Þór Hilmarsson 83) - Halldor Orri Björnsson(Ólafur Karl Finsen 38'), Marel Baldvinsson(Ellert Hreinsson 78'), Þorvaldur Arnason

Ónotaðir aramenn Bjorn Palsson, Bjarki Pall Eysteinsson, Birgir Birgisson, Davið Guðjonsson.

Haukar Daði Larusson - Kristjan Omar Bjornsson, Guðmundur Mete, Daniel Einarsson, Þorhallur Dan Johannsson, Gunnar Asgeirsson(Jónas Bjarnason 83') - Hilmar Geir Eiðsson, Guðjon Lyðsson, Hilmar Trausti Arnarsson (Hilmar Emilsson 23'), Ulfar Hrafn Palsson (Kristján Óli Sigurðsson 68') - Jonmundur Gretarsson

Ónotaðir varamenn Petur Örn Gislason, Petur Asbjörn Sæmundsson, Amir Mehica, Stefan Daniel Jonsson

Gul spjöld Jóhann Laxdal (fyrir brot) Dennis Dannry(fyrir brot) Baldvin Sturluson (fyrir leiktöf) allir Stjörnunni, Daníel Einarsson (fyrir mótmæli) Guðjón Lýðsson (fyrir að ýta samherja) Guðmundur Mete (fyrir brot) Hilmar Rafn Emilsson (fyrir brot)
Dómari Örvar Sær Gíslason hefur líklega sjaldan átt jafn slakan dag
Áhorfendur 660
Maður leiksins Hilmar Geir Eiðsson (Haukar)