Heimild: AP
Myndin tengist fréttinni ekki.
Kaþólskur prestur sem komst í fjölmiðla um allan heim fyrir að halda svokallaða appelsínugula messu til að biðja fyrir hollenska landsliðinu fyrir úrslitaleik Heimsmeistaramótsins í Suður Afríku gegn Spáni hefur verið rekinn af biskup í Hollandi.
Jozef Punt Biskum í Haarlem sagði í yfirlýsingu sem hann sendi frá sér í gærkvöldi að Paul Vlaar prestur í þorpinu Obdam í norður Amsterdam hafi ekki gert rétt með því að halda messuna.
Vlaar var í appelsínugulum kufli og skreytti kirkjuna með appelsínugulum fánum. Á meðan messunni stóð lék hann markvörð þegar sóknarbarn sparkaði bolta niður kirkjugólfið.
Biskupinn vildi meina að messan hafi skapað reiði í Hollandi og um allan heim. Hann leysti Vlaar svo frá störfum en sjálfur tjáði Vlaar sig ekki í gær. Varaformaður safnaðarins sagði hinsvegar að þar á bæ væru menn hissa og vonsviknir yfir að þessi vinsæli prestur væri látinn fara tímabundið.
,,Fólk skilur þetta ekki. Það styðja allir séra Paul og við skiljum ekki hvað var svona slæmt að hann sé látinn fara tímabundið," sagði varaformaðurinn, Win Bijman en eins og flestir vita var bænum þeirra ekki svarað því Spánn vann úrslitaleikinn 1-0.
