,,Ég er mjög ánægður, við vissum það fyrir leikinn að ÍBV vann leikinn sinn og Breiðablik tapaði svo við við vissum að við yrðum að vinna og fá þrjú stig til að halda í við þessi lið svo við erum bara sáttir," sagði Bjarki Bergmann Gunnlaugsson leikmaður FH eftir 3-1 sigur á Haukum í dag en tvíburabróðir hans, Arnar Bergmann Gunnlaugsson var ekki eins sáttur enda leikmaður Hauka.
,,Þeir voru mun betri í dag og það vantaði smá að við værum aggressívari. Við reyndum allt til loka leiksins en mættum bara ofjörlum okkar í dag," sagði Arnar en hvernig var að mæta hvorum öðrum?
,,Það var skrítin tilfinning í byrjun en svo þegar leið á leikinn var þetta bara mjög gaman fyrir utan úrslitin," sagði Arnar.
,,Já það er sama, þetta var svolítið asnalegt fyrst. Við erum búnir að spila lengi með ýmsum liðum. En svo þegar kemur út í alvöruna gleymist þetta og þetta er eins og hver annar leikur," sagði Bjarki.
Nánar er rætt við þá í sjónvarpinu að ofan.
