Fullt nafn: Jóhann Helgi Hannesson

Gælunafn: Jói, Jochi, Jóakim, Jógvan, Jósef og Porno

Aldur: 20 ára

Giftur / sambúð? Í sambandi
Börn: Nei

Hvað eldaðir þú síðast? Kjúklingabringur, hrísgrjón og piparsósu

Hvað vilt þú fá á pizzuna þína? 2x kjúkling, pepperoni og svartur pipar

Uppáhaldssjónvarpsefni? Fótbolti

Besta bíómyndin? The Godfather aldrei spurning

Uppáhaldsútvarpsstöð: X-ið

Hver er uppáhalds platan þín? Nýja Eminem platan er hrikalega sterk

Uppáhaldsdrykkur? Þar sem ég vinn hjá Vífilfell þá verð ég að segja Coca Cola

Uppáhalds vefsíða? fotbolti.net, thorsport.is og mjolnismenn.com

Ertu hjátrúarfull(ur) fyrir leiki ( ef já, hvernig þá)? Já það eru fullt af litlum hlutum sem ég reyni að passa að séu í lagi, til að byrja með þá fæ ég mér snúð og kók í hádeginu á leikdegi. Svo þegar liðið er að taka lokaöskur áður en við löbbum út þá passa ég alltaf að ég sé með hendina efst.

Hvernig er best að pirra andstæðinginn? Skora á hann

Hvaða liði myndir þú aldrei spila með? KA eða sameinuðu liði Þórs og KA

Hver var átrúnaðargoð þitt á yngri árum? Palli Gísla sem nú er þjálfarinn og svo kóngurinn Orri Afi Hjaltalín

Erfiðasti andstæðingur? Manni er leiðinlega erfiður stundum

Ekki erfiðasti andstæðingur? Gengur yfirleitt mjög vel á móti KA

Besti samherjinn? Ármann Pétur Ævarsson og Sveinn Óli Birgisson

Sætasti sigurinn? Síðasti leikur á móti KA, gleymi honum seint

Mestu vonbrigði? Ef við förum ekki upp

Hvað er þitt uppáhaldslið í enska boltanum? Man Utd

Uppáhaldsknattspyrnumaður? Rooney

Besti íslenski knattspyrnumaðurinn fyrr og síðar? Albert Guðmunds

Efnilegasti knattspyrnumaður landsins? Ágúst Eðvald Hlynsson í Þór

Fallegasti knattspyrnumaðurinn í deildinni? Sveinn Elías Jónsson, segist vera kallaður Svenni sæti

Fallegasta knattspyrnukonan? Karen Nóadóttir í Þór

Grófasti leikmaður deildarinnar? Það er einn gaur í Þór með 7 gul spjöld sem á ekki að vera hægt

Besti íþróttafréttamaðurinn? Gummi Ben

Hver er mesti höstlerinn í liðinu? Nenad er hrikalegur á djamminu, Gunnlaugur kemur sterkur inn líka

Hefurðu skorað sjálfsmark? Nei hef ekki orðið þess heiðurs aðnjótandi

Segðu okkur frá skemmtilegu atviki sem gerst hefur í leik: Þegar við vorum í 3. flokki þá fékk Krilli sinadrátt og lá eins og skata á vellinum en greyið maðurinn er svo stirður að hann þurfti hjálp og þá kom Sveinn Óli skokkandi og Krilli sagði hægri hægri en Sveinn Óli lyftir upp hægri löppinni frá sér séð og þá öskraði Krilli: Hin hægri fíflið þitt!

Hvenar lékstu þinn fyrsta leik með meistaraflokki? 2007

Hvernig finnst þér Fótbolti.net? Algjör snilld

Kíkir þú oft á Fótbolti.net? Já þetta er upphafssíðan

Ef þú mættir breyta einni reglu í fótbolta, hverju myndir þú breyta? Markmenn verði ekki heilagir lengur

Hvern vildir þú sjá á sviði? (tónleikum) Muse á Wembley

Hvað finnst þér leiðinlegast að gera á æfingu? Sprettir hjá Hreinsa

Hver er frægasta persónan sem þú ert með í farsímanum þínum? Aron Gunnarsson

Hver er uppáhaldsstaðurinn þinn í öllum heiminum? Tungusíða 28

Hversu lengi ertu að koma þér í gang á morgnanna? Það er misjafnt, getur tekið allt að klukkutíma

Hver er uppáhaldsÍÞRÓTTAMAÐURINN þinn? Lebron James

Fyrir utan knattspyrnu, fylgist þú með öðrum íþróttum? Já, körfubolti er snilldar sjónvarpsefni

Hvenær borgaðir þú þig síðast inn á knattspyrnuleik? Landsleik gegn Dönum fyrir mörgum árum

Í hvernig fótboltaskóm spilar þú? Nike Vapor

Í hverju varstu/ertu lélegastur í skóla? Mér finnst danska og þýska alveg hrútleiðinleg fög

Vandræðalegasta augnablik? Þegar mamma gamla hljóp inná völlinn þegar ég meiddist í æfingaleik!

Komdu með eina staðreynd um þig sem flestir vita ekki um: Hef spilað allar stöður vallarins með mfl nema markmann