,,Mér sýnist það vera þannig að það er orðið langt í þá sem eru efstir og mér finnst við ekki hafa hóp í að fara í efstu deild, og töluvert frá því. Við þurfum að byggja upp, okkur yrði slátrað í úrvalsdeild með þennan mannskap svo ég held að við þurfum að sætta okkur við það að við erum 1. deildarlið í dag og vonandi verðum við það á næsta ári og enn betra," sagði Tómas Ingi Tómasson þjálfari HK eftir 2-2 jafntefli gegn Gróttu í kvöld.
,,Ég er ekki sáttur, hefði ekki verið það fyrir leik og er það ekki eftir leik. Við spiluðum fyrri hálfleikinn illa og vorum slakir á boltann, vorum nervous, hræddir, og þannig vinnur maður ekki fótboltaleiki."
,,Við hleyptum þeim inn í allskonar hlaup sem við vorum búnir að fara yfir sem ég héld að við værum búnir að ræða nógu vel til að stoppa. En því miður náðu þeir að koma til baka og svo koma þeir og skora fáránlegasta mark sem ég hef séð skorað. Hann snýr sér í fjóra hringi og skýtur svo í markið. Við erum bara ekki að standa vörnina nógu vel."
Nánar er rætt við Tómas Inga í sjónvarpinu hér að ofan.
