Heimild: BBC
Fulham hefur náð samkomulagi við Mark Hughes um að hann verði næsti knattspyrnustjóri félagsins en þetta segja heimildir BBC.
Búist er við að Fulham gangi frá samningum við Hughes í dag eða á morgun.
Hughes, sem er 46 ára, var rekinn frá Manchester City í desember síðastliðnum en hann hefur verið í fríi frá fótbolta síðan þá.
Hughes mun taka við Fulham af Roy Hodgson sem tók við liði Liverpool á dögunum.
Fulham reyndi upphaflega að fá Martin Jol þjálfara Ajax en hollenska félagið vildi ekki leyfa honum að fara.
