FH hefur fengið Gunnar Kristjánsson til liðs við sig á láni frá KR út þetta tímabil.
Í lánssamningnum er ákvæði um að Gunnar megi ekki spila með FH þegar liðið mætir KR þann 30.ágúst næstkomandi.
Gunnar má heldur ekki leika með FH í úrslitum VISA-bikarsins ef að andstæðingarnir þar verða KR-ingar.
Gunnar er 23 ára gamall kantmaður sem getur þó einnig leikið með sem framherji.
Hann raðaði inn mörkum fyrir KR á undirbúningstímabilinu en hefur ekki fengið mikinn spiltíma í sumar.
