,,Það þýðir ekki að sleppa öllum fram á við þegar við erum með tvo tæplega fertuga þarna í vörninni. Það verður að halda mönnum fyrir framan og við hliðina á okkur," sagði Ólafur Örn Bjarnason þjálfari Grindavíkur eftir 3-0 sigur á Fram í kvöld en hann spilaið sjálfur í hjarta varnarinnar með Auðun Helgasyni.
,,Þetta var mjög mikilvægt, við getum ekki ætlast til að halda okkur í deildinni ef við vinnum ekki leik á heimavelli. Það byrjaði í dag og það er vonandi að við náum að halda þessum dampi út mótið. Þá er ég ekkert hræddur því þá koma stigin."
,,Aðalatriðið er að byggja upp ákveðið sjálfstraust og að liðið finni það að það geti sótt fram á við og við erum traustir fyrir aftan. Við gerðum það í dag, við vissum að seinni hálfleikurinn yrði svolítil pressa á okkur til að byrja með og náðum að halda markinu hreinu. Þá erum við hættulegir fram á við og ef við hefðum verið aðeins rólegri í sóknunum í seinni hálfleik þá hefðum við kannski getað refsað þeim meir."
Nánar er rætt við Ólaf Örn í sjónvarpinu að ofan.
