Heimild: Sky
Stoke á í viðræðum við Monaco um kaup á Eiði Smára Guðjohnsen en þetta segja heimildir Sky Sports.
Eiður Smári er á förum frá Monaco en hann hefur verið í leit að nýju félagi að undanförnu.
Eiður Smári hefur verið orðaður við Fulham, Rangers og fleiri félög en nú virðist Stoke vera í bílstjórasætinu í baráttunni um leikmanninn.
Á síðustu leiktíð var Eiður Smári í láni hjá Tottenham og nú gæti hann verið á leið í enska boltann að nýju.
Stoke þarf þó að ná samkomulagi um kaupverð sem fyrst ef félagið ætlar að krækja í Eið þar sem félagaskiptaglugginn lokar á þriðjudag.