Samkvæmt áreiðanlegum heimildum Fótbolti.net hefur Eiður Smári Guðjohnsen ákveðið að ganga til liðs við enska úrvalsdeildarliðið Fulham en Stoke City hafði vonast eftir því að fá hann til félagsins áður en félagaskiptaglugginn lokast á morgun.
Eiður er væntanlegur í læknisskoðun hjá Fulham og verður hann kynntur til sögunnar sem nýr leikmaður liðsins á morgun.
Um er að ræða eins árs lánssamning en Eiður er samningsbundinn franska úrvalsdeildarliðinu Mónakó.
Ekki reyndist unnt að ná í umboðsmann Eiðs Smára í dag.
