Heimild: Heimasíða Verona
Emil Hallfreðsson hefur gengið til liðs við ítalska C-deildarliðið Hellas Verona frá Reggina á lánssamningi út tímabilið en frá þessu er greint á heimasíðu fyrrnefnda félagsins.
Fótbolti.net greindi frá því í gær að forráðamenn Verona og Reggina ættu í viðræðum um möguleg félagaskipti Emils en lengi leit út fyrir að leikmaðurinn myndi ganga í raðir ítalska A-deildarliðsins Cesena.
Verona hefur forkaupsrétt á leikmanninum að lánssamningnum loknum.
Verona er fornfrægt félag og vann m.a. ítalska meistaratitilinn árið 1985 en síðan þá hefur leiðin legið niður á við.
