Aron Einar á æfingunni í gær.
,,Við þurfum að bæta upp okkar leik síðan á móti Liechtenstein síðast og það verður ekki erfitt miðað við þann leik," sagði Aron Einar Gunnarsson miðjumaður íslenska landsliðsins sem mætir Noregi í undankeppni EM 2012 á föstudag.
,,Við eigum alveg séns í þetta eins og öllu önnur lið svo við komum jákvæðir í þennan leik og vonum það besta."
,,Ég held að ég hafi spilað allt í lagi á móti Liechtenstein, en það voru allir að spila undir getu í þeim leik. Óli hefur úr fleiri leikmönnum að velja síðan í síðasta leik og það koma nýir leikmenn inn."
,,Þar eru margir leikmenn sem spiluðu með U21 árs landsliðinu geng Þýskalandi svo þetta verður harðari samkeppni í liðinu, sérstaklega eftir síðasta leik."
,,Það er gott að fá leikmenn sem eru yngri en ég til að byrja inni í reit og taka saman boltana."
Nánar er rætt við Aron Einar í sjónvarpinu að ofan.
