Edda átti góðan leik.
Örebro DFF þar sem Edda Garðarsdóttir og Ólína Viðarsdóttir leika, náðu að sýna í gær að þær eru klárar í bikarleikinn eftir góðan sigur á Guðbjörgu Gunnarsdóttur og félögum hennar í Djurgarden.
KIF Örebro DFF 3-1 Djurgårdens IF DFF
1-0 Sanna Talonen (‘9)
2-0 Marie Hammarström (‘12)
2-1 Sarah Michael (’35)
3-1 Marina Pettersson (’76)
Örebro stúlkur áttu fjölmörg færi í leiknum en samkvæmt tölfræðum eftir leikinn áttu Örebro 22 skot gegn 12 skotum frá Djurgarden.
Þjálfari Djuargaden var alls ekki að tapa sér yfir þessum leik, en hann benti á það að nú sæi hann hvernig Örebro spilar og ætlar því að nota sér leikinn í gær sem góðan undirbúning fyrir bikarleikinn sem verður seinna í vetur.
Þjálfari Örebro var sáttur með úrslitin og þá sérstaklega fyrri hálfleikinn hjá stelpunum sínum, en hinsvegar fannst honum nýtingin á skotunum alls ekki vera í lagi.
Allir íslendingarnir voru í byrjunarliðinu, Edda á miðjunni og Ólína í bakverðinum hjá Örebro en Guðbjörg stóð í markinu hjá Djurgarden.
