Jóhannes Karl Sigursteinsson þjálfari Breiðabliks var að vonum gríðarlega svekktur eftir 3-2 tap liðsins gegn FH í Pepsi deild kvenna í dag. Búist var við að Blikar ættu auðveldan leik framundan en barátta FH-inga og góð spilamennska tryggði þeim mikilvæg þrjú stig.
„Þetta er bara slök frammistaða. Við verðum að gera okkur grein fyrir því að við verðum að leggja okkur fram ef við ætlum að vinna fótboltaleiki.“ sagði Jóhannes Karl svekktur eftir leikinn.
„Þær vildu þetta meira en við, það var alveg klárt. Hreyfing á boltalausum mönnum í seinni hálfleik og viljinn til að spila fótbolta var bara ekki til staðar. Þetta er einföld íþrótt, þú setur eitthvað inn í hana og færð eitthvað út úr því. Við fengum bara það sem við settum inn í dag, við lögðum lítið í dag og fengum ekkert úr henni.“
Jóhannes Karl viðurkennir að allt bendi nú til að Valur verði Íslandsmeistari, en þær geta tryggt sér titilinn með sigri á Aftureldingu í leik sem hófst klukkan 17:00.
„Þær taka hann (titilinn) líklega. Það er ekkert í stöðunni lengur, við verðum bara að reyna að klára mótið sómasamlega. Við eigum tvo leiki eftir og annað sætið í sjónmáli,“ sagði Jóhannes Karl.
Viðtalið í heild sinni má sjá hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
