Ólafur Þór Guðbjörnsson.
Ólafur Þór Guðbjörnsson þjálfari Stjörnunnar var að vonum hæstánægður með 3-2 sigur liðsins gegn Þór/KA í Pepsi deild kvenna í dag.
„Ég er mjög sáttur við þennan sigur í erfiðum aðstæðum. Það var merkilega góður fótbolti sem bæði lið spiluðu í dag. Við erum virkilega glöð og gaman að enda þetta svona í lokin. Við áttum það skilið, við vorum búin að fá fullt af færum og gaman að klára þetta svona,“ sagði Ólafur Þór við Fótbolta.net.
„Það var fúlt þegar við fengum á okkur víti í stöðunni 2-1 og þær jöfnuðu úr því. Þær voru ekki búnar að eiga mikið í seinni hálfleiknum og áttu lítið í leiknum utan við kannski fyrsta korterið. Eftir það vorum við mun sterkari og við fengum tvö til þrjú dauðafæri á markteig til að klára, og það var náttúrulega fúlt. En það var sætt fyrst að við kláruðum þetta í lokin.“
Viðtalið við Ólaf má sjá í heild sinni hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
